Guadeloupe

Coumunicat de presso :

            Guadeloupo.

            En Guadeloupo la caumo generalo menado pel couleitièu L.K.P. que regroupo 47 ourganisaciouns poupularis e culturalos, es d’en primier uno rebolto countro la vido caro que ne rend respousable lous groupes que countrarolon en esclusibitat lou coumerci, la distribucioun e l’oustalarià. Mas aquelo rebolto a tanben un aspèt identitari ambe l’eslougan ambigu en creole « Guadeloupo es nautro, pas d’eles ». Es la rebolto dels negres decendent dels esclaus Qua (1) e d’imigrats venguts d’India countro lous blancs autouctones o metroupoulitans (3 del cent de la poupulacioun) considerats coumo lous countuniaires d’uno formo de coulounialisme.

            En 2003 Guadeloupo regetet a 73 del cent la fusioun regioun-despartament qu’aurià pourgit uno formo d’autounoumio necessario. Uei l’isclo importo 90 % de ço que cousoumo, coumto al mens 30 % de caumaires, 40 % de founciounaris e 4 cops mai de Rmistes que dins l’etsagone. Lou PIB es inferiour de 44 % a la mejano naciounalo. I a uno grando distancio entre lou naut e lou bas de l’escalo soucialo. D’unes metroupoulitans gaudissoun d’abantages injustificats mas legals. Aquelo situacioun esplousivo foguet agreujado a la debuto per uno gestioun pas proun reactibo  e trop luen de la crisi pel gouber francès, es bertat pibelat per la demasiaduro de l’endebenenço soucialo en Franço metroupoulitano.

            Lou Partit de la Nacioun Ouccitano penso que la sourtido de crisi passo forçadament per l’auçament dels salaris basses e la mouralisacioun de la distribucioun entre maites . L’estatut de Guadeloupo dèu estre soumès a critico, dèu ebouluir  e passa de la departamentalisacioun qu’es pas mai biaple a uno autounoumío mai grando en espera d’ana

un jour cap a l’independencio fouguesse lou desir de la majouritat dels gadeloupeans.

                                               22 de febrier de 2009

(1)  Qua ( kwas) : pople african de l’anciano Costo dels esclaus ( Ibos, Iouroubas, Ewés, Ashantis …)